''Հեթանոսներու Գաւիթ''ի Նոր Հանգրուանը` Յունիս 3-8։
Մարսիլիոյ մէջ` երկխօսութեան ու գաղափարներու փոխանակումի շաբաթ հաւատացեալներու
եւ ոչ-հաւատացեալներու միջեւ։
Այս եկրորդ անգամն է որ ֆրանսայի մէջ տեղի
կ'ունենայ ''Հեթանոսներու Գաւիթ'' կոչուած Սուրբ Աթոռի Քահանայապետական Մշակոյթի Խորհուրդի
կողմէ կազմակերպուած` հաւատացեալներու եւ ոչ-հաւատացեալներու միջեւ երկխօսութիւնը։ Առաջինը`
տեղի ունեցաւ Փարիզի մէջ 2011-ի մարտին։ Մարսիլիոյ հանդիպումին բնաբանն է ''Սրտերու
Գաւիթ'', որուն կը մասնակցի Կարտինալ Ռավազի` նախագահը Մշակոյթի Քահանայապետական Խորհուրդին։
Մարսիլիա քաղաքը, այս տարի` 2013-ին հռչակուած է Եւրոպայի մշակոյթի մայրաքաղաք, այդ առթիւ
կը կազմակերպէ կլոր սեղան մը ''մարդաբանութիւններ եւ կրօններ'' նիւթին մասին։ Նշենք
որ Մարսիլիոյ բնակչութիւնը ամէն տարի 7 յունիսին` տօն Յիսուսի ս. Սրտին, հանդիսաւորապէս
կը վերանորոգէ իր ուխտը հանդէպ Տիրոջ որ 1720-ին ազատած է քաղաքը մահաբեր համաճարակէն։
Ամէն դաւանանքի պատկանող քաղաքի բանկիչները, կը մասնակցին այս մեծ արարողութեան` ի յիշատակ
այդ շրջանի կառավարիչներուն որ ուզած էին իրենց քաղաքը նուիրել Աստուծոյ ս. սրտի ողորմութեան
ու գթութեան։ Յունիս 6-ին Վատիկանի մշակոյթի քահանայապետական խորհուրդի նախագահ`
Կարտինալ Ռավազի իր մասնակցութիւնը պիտի բերէ ''մարդաբանութիւններն ու կրօնները'' դասախօսութեան,
որուն պիտի մասնակցին ֆրանսացի իմաստասէրներն ու գրողները։ Յայտնենք որ ''Հեթանոսներու
Գաւիթ''ի այս հանգրուանը կազմակերպուած է Մարսիլիոյ թեմէն, Միջերկրականի կաթողիկէ հաստատութենէն
եւ Վատիկանի քահանայապետական մշակոյթի խորհուրդէն։ Աւելի տեղեկութիւններ ունենալու
համար կարելի է բանալ հետեւեալ կայքէջը` http://parvisducoeur.fr/